Лхагва 2019-01-02 Цэцэрлэг
My Arkhangai   2020-01-15

НӨӨЦИЙН МАХ БЭЛТГЭХЭД ТӨР ОРОЛЦОХГҮЙ

Энэ хавар нөөцийн мах худалдаанд гарах эсэх талаар аймгийн ЗДТГ-ын Хөгжлийн бодлого, хөрөнгө оруулалтын хэлтэс болон Хүнс хөдөө аж ахуйн газраас тодрууллаа.  

ХБХОХ-ийн дарга П.Энхтайван: “Манай аймагт сүүлийн жилүүдэд нөөцийн мах бэлтгэхэд төсөв хуваарилдаггүй болсон. Хувийн компаниуд нөөц боломжиндоо тулгуурлан нөөцийн мах бэлтгэдэг” гэсэн хариултыг өгсөн юм.

Аймгийн ЗДТГ-ын 2019 оны хууль тогтоомжийн биелэлтийн тайланд тусгагдсанаар хөдөө аж ахуйгаас жилд дунджаар 40,6 мянган тн мах, махан бүтээгдэхүүн бэлтгэж зах зээлд нийлүүлдэг. 2019 оны 11-р сарын байдлаар аймагт 260 тн махыг зориулалтын агуулахад хадгалж байгаа гэжээ.

Аймгийн хэмжээнд зориулалтын хэдэн газарт нөөцийн мах бэлтгэж байгааг ХХААГ-аас лавлахад “Найруулга”, “Арбука” ХХК-уудыг нэрлэв.  

Энэ хоёр компанитай холбогдоход: Арбука ХХК энэ онд нөөцийн мах бэлтгээгүй, Найруулга ХХК 10 орчим тн мах нөөцөлсөн гэлээ.

Эдгээр компаниас гадна “Улам баяжихуй ХХК 10 тонн мах нөөцөлсөн юм байна.  

Албаны хүмүүсийн тайлбараар: “Мал махны худалдаачид өөрсдөө мах нөөцлөөд хавар гаргаж ирдэг. Нөгөө талаар манай аймгийн онцлогоос шалтгаалан иргэд нөөцийн мах худалдан авахдаа тийм ч дуртай биш. Тиймээс төрөөс нөөцийн махан дээр ач холбогдол өгөөгүй”-г хэлж байсан юм.

318   0
НИЙТЭЛСЭН: Б. Мандуул

Санал болгох